RI IKKING ASU

       Rioloe ro wettunna taung duassebbuenneng uleng ramalang mancajika ana’ pangngurusu’ masiji’ ko kampongku ri kampong Bone-bone, Kec. Pangkajene, Kab. Pangkep. Esso maka seppulo lima ni surona lao mappasilele emplo’ ko imang masijie ri bolana tau maegae ri kampongku. Engkaka enneng massilaong lokka mappasilele emplo’ na nibagi dua kalompok, seddi kelompo’ tellu taunna. Iya’ subakka I Janna sibawa I Imma mangngantara ri bagiang manoranna masijie.

       Mabbicara-bicarani maneng nennia jokka to mappasilele emplo’ ro ko bolana tau maegae. Lettu’ni ri bola maka seppulo tellue na matau’ maneng silaongku mattama nasaba yaro bolae engka asunna ri olo bolana. Nasorong-sorongna silaongku gatti-gatti mattama ko ro bolae. Matau’ ladde to ka iya tapi de’gaga elo’ mattama jaji upagettengi aleku tamari ro bolae.

       Jokka cedde’-cedde’na ro nasaba asue ro matinromi ko riawa bola. Lettu’na ri ase’ bolana taue engka asunna ro mangngolli’na nappa engkani lato-lato messu’ na uarengi gatti nappa no’ lisu.

       Puranna ro engkana ri ka’dengeng pingeng ri awae, nappa yaro asue de’isenna-sennai mallollong loppo ri olo ku. Lassunna lari takabanynyang sibawa silaongku, tapi’ asue ro mallellung matterru na naikkingni sulara’ku. Takkende’ ladde’na nappa u peppe’i gatti asue na matau’ tommi pae.

       Terrina ri silaongku nasaba de’natajekka denre. Uwitai yaro maneng sialongku macawami mitaka terri, eloi sedding ugampessang maneng ulunna. Gatti-gatti’na lisu ko bolaku lari minung wae gumbang pa’ napadakka silaongku denre ko takkende’i arowoe nisuroi taue minung wae gumbang. Purakku minung ucaritai ko emma’ku yaro asue denre na macawa tommi naisseng naebbu, de’ kapang nammaseangi ananna pura ri ikking asu.

       Pakkoniro carita manessukku wettukku beccu’ rioloe, nennia engka tau mappada caritakku yae upannessai macawa tommi uwisseng hahaha J