Asekku Mufliha Dirga Ghazali ri Pangkajeneka ri ammanakeng ri tanggala 18-08-1993 ri bola doko’na Pangkajene, Pangkep ri essona Araba tette 23.00 ri wennie ko Minasate’ne maradde simaranang, anak makaduaka pole ri limae massessureng. Asenna indoku Darmawati Samad na iya asenna amboku Ghazali Rauf.

Tau matoakku lecce’ bolai pole ri Minasatene lao ri Bone-bone Pangkajene. Sikola TK upatemmei ri TK Aisiyah Mattoanging Pangkajene.

Naiya daengku ri asenhe Munjiyah Dirga Ghazali tellu taungi mariolona ri jajiang, yyaro daengku purani alena makkuliah sarjanani makkokkoe. Engka 3 anrikku makkokkoe kalasa 3 SMP, kalasa 3 SD, sibawamabeccue nappai  3 taung.

Riwettukku ananak indoku pagguruka mangngaji, nappani ko de’si massikola laoka paimeng mangngaji ri kamponna neneku. Nacaritanna indoku iya gare masennanga wettu baiccuku makurang pau-pauku. Narapina umurukku 6 taung nappassikolaka dua pajajiangku ri SD 28 Tumampua II Pangkajene engka ri Jalan Kesehatan asenna, indoku napabecakka lao massikola sibawa daengku.

Naiya maladde wangngerrangi ri wettu umuruku massikolaka ri SD iyanaritu nakko liburu’ sikka laona ri bolana neneku marreddu’ canggoreng ri darena, sibawa mattunu-tunu bale ri saloe. Ri temmekku massikola ri SD upaterrui sikolaku lao ri SMP 2 Pangkajene engkae ri jalan A. Mauraga Pangkajene, Pangkep. engka tellu taung temmeki korang ri wettu umuruku 12 taung sibawa sappoku ri asenge Ciha, anakna sappo sisenna amboku.

Temme’ku ri sikola SMPku laona ri sikola SMA ku ko ri jalan A.Mauraga to iyanaritu SMA NEGERI 1 Pangkajene, Pangkep. Ko sikolaku yae upoji pa’ makessing maneng gurunna makesing to silaong-silaokkku, ri wettunna purana mangngujiang SMA laona mendattar ri pakkulia ri Makassar yae, pammulanna mendattarku de’ululusu naiya mendattar sikka makaduanna de’ to ululusu ri UNM. Mapeddi laddeni sedding atikku de’ makkulia koro UNM tapi makessing ladde’ pa tappa engka Ikatan Dinas pole ri pamarentae makkeda makkulia ri UNHAS. Lokkani ucoba mendattar ko PSGBD yae naiya lulusukka Alhamdulillah.

Ko PSGBD yae makessing pangngajara’na na makessing maneng silaong-silaokku ko aleku. Naiya ulori makkuli koe UNHAS J